As semanas de cine

Achádego foi o derradeiro grupo de teatro que actuou no Gran Teatro, edificio histórico situado no centro de Lugo. Este foi un dos momentos de plenitude creativa do grupo: o reto consistía en representar diariamente varios fragmentos que o público puidese identificar con longametraxes famosas. As escenificacións se realizaban antes do pase das películas da sección oficial da semana de cine do ano 1993.
Esta colaboración repítese nas edicións dos anos 2001 e 2002. No 2001 fixéronse sesións temáticas sobre o cine de terror (Frankestein, O Resplandor,…), cine cómico (Os Irmáns Marx, Charlot,…), o cine de Almodóvar (Tacóns lonxanos, Todo sobre a miña nai,…),… e por vez primeira utilizamos a palabra para facer unha parodia sobre a chegada dunhas estrelas do cine a sesión de inauguración. Xa no ano 2002 continuamos nesta liña de traballo e realizamos unhas parodias dos Superheroes (Superman, Batman, Spiderman,…), e dunha cerimonia de entrega de premios cinematográficos e fixemos ambientacións baseadas no cine do oeste e na película O baile dos vampiros.

No hay comentarios:

Publicar un comentario